काठमाण्डाै,३ जेठ ।
नेपालमा साेमबार थप ९ हजार २४७ जनामा कोरोनाभाइरस संक्रमण पुष्टि भएको छ ।
पछिल्लो २४ घण्टामा २२ हजार ८७ नमुना परीक्षण गर्दा ९ हजार २४७ जनामा कोरोनाभाइरस संक्रमण पुष्टि भएको हो ।
२१ हजार ६३५ पीसीआर परिक्षण र ४३४ जनाको एन्टिजेन परीक्षण गर्दा ९ हजार २४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको कुल संख्या ४ लाख ६४ हजार २१८ पुगेको छ ।
यस्तै पछिल्लो २४ घण्टामा थप ५ हजार ७६७ जना काेराेना संक्रमित निको भएका छन् ।
नेपालमा हालसम्म ३ लाख ४५ हजार ५२३ जना काेराेना संक्रमित निकाे भएको मन्त्रालयले जनाएको छ । त्यस्तै पछिल्लो २४ घण्टामा थप २१४ जना कोरोना संक्रमितको मृत्यु भएको छ । यससँगै देशभर कोरोनाबाट मृत्यु हुनेको संख्या ५ हजार २१५ पुगेको छ ।
हाल देशभर कोरोनाको सक्रिय संक्रमितको संख्या १ लाख १३ हजार ४८० रहेको छ ।
