काठमाण्डाै,२ बैशाख । नेपालमा बिहीबार थप ५३४ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ३ हजार ५ सय ८८ जनाको पीसीआर परीक्षण गर्दा ४९० जना र ५६४ जनाकाे एन्टिजेन परिक्षण गर्दा ४४ जना गरि ५३४ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको सङ्ख्या दुई लाख ८२ हजार ५४ पुगेको छ ।
यस्तै २४ घण्टामा थप १५७ जना काेराेना संक्रमित निको भएका छन् । नेपालमा हालसम्म दुई लाख ७४ हजार ६ सय चार जना काेराेना संक्रमित निको भएका छन् ।
पछिल्लो २४ घण्टामा पाँच जना काेराेना संक्रमितको मृत्यु भएको छ । नेपालमा हालसम्म तीन हजार ६६ जना काेराेना संक्रमितको मृत्यु भएको छ ।
हाल देशभर सक्रिय संक्रमितको सङ्ख्या पनि बढेर ४ हजार ३ सय ८४ पुगेको छ ।
