बुटवल,१० चैत ।
सिद्धार्थनगर नगरपालिकाका ३ सहित रुपन्देहीमा मंगलबार थप ५ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा जिल्लाका ३ महिला र २ पुरुष गरी ५ जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।
स्वास्थ्य कार्यालय रुपन्देहीका अनुसार मंगलबार सिद्धार्थनगर नगरपालिकाका ३ जना,तिलोत्तमा नगरपालिका र देवदह नगरपालिकाका १÷१ जनामा कोरोना भाइरस संक्रमण पुष्टि भएको छ ।
यससँगै जिल्लामा कोरोना संक्रमण पुष्टि हुनेको संख्या ९ हजार १ सय १० पुगेको छ ।
रुपन्देही जिल्लामा हालसम्म ८ हजार ९ सय ७ जना कोरोना संक्रमित निको भएका छन भने १५५ जनाको मृत्यु भएको स्वास्थ्य कार्यालय रुपन्देहीले जनाएको छ ।
हाल जिल्लाभर ४८ जना कोरोना संक्रमित उपचाररत रहेका छन् ।
