काठमाण्डौ,७ चैत ।
नेपालमा शनिबार थप ७९ जनामा कोरोना भाइरसको संक्रमण पुष्टि भएको छ ।
२६ सय ३७ जनाको पीसीआर परीक्षण गर्दा ७९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
नेपालमा कोरोना संक्रमण पुष्टि हुनेको संख्या दुई लाख ७५ हजार आठ सय २९ पुगेको छ ।
पछिल्लो २४ घण्टामा थप ८२ जना कोरोना संक्रमित निको भएर डिस्चार्ज भएका छन् ।
नेपालमा हालसम्म दुई लाख ७१ हजार आठ सय १५ जना कोरोना संक्रमित निको भएर डिस्चार्ज भएका छन् ।
कोरोना संक्रमणका कारण पछिल्लो २४ घण्टामा कसैको पनि मृत्यु नभएको मन्त्रालयले जनाएको छ ।
अहिलेसम्म नेपालमा तीन हजार १६ जना कोरोना संक्रमितको मृत्यु भएको छ ।
हाल देशभर नौ सय ९८ जना सक्रिय संक्रमित रहेका छन् ।
