बर्दिया,३ चैत ।
बर्दिया निउरो टिप्न जंगल गएकी एक महिलालाई पाटेबाघले लगेको छ । राष्ट्रिय निकुञ्जमा निउरो टिप्न गएका तीन महिलामध्ये ठाकुरबाबा नगरपालिका वडा नम्बर ७ की ५५ वर्षीया डल्ली रावतलाई बाघले लगेको बर्दिया राष्ट्रिय निकुञ्जले जनाएको छ ।
अहिले पाटेबाघले लगेकी महिलाको खोजी भइरहेको निकुञ्जका सहायक संरक्षण अधिकृत असिमकुमार थापाले जानकारी दिए ।
बर्दिया राष्ट्रिय निकुञ्ज र आसपास क्षेत्रबाट बाघको आक्रमणबाट यो वर्ष मात्रै नौ जनाको मृत्यु भएको जिल्ला प्रहरी कार्यालय बर्दीयाले जनाएको छ ।
