चितवन,१४ साउन ।
पहिरोका कारण आइतबार बिहानैदेखि अवरुद्ध नारायणगढ-
मुग्लिन सडक दिउँसो ३ बजेपछि पूर्ण रुपमा सञ्चालनमा आएको छ ।
डिभिजन सडक कार्यालय भरतपुरले एक सूचना जारी गरी सडक दुईतर्फी रुपमा सञ्चालनमा आएको जनाएको हो ।
पछिल्लो पटक आइतबार बिहान इच्छाकामना गाउँपालिका-६ मा पर्ने कालीखोला पुल नजिकै पहिरो खसेपछि सडक अवरुद्ध भएको थियो । पहिरोका कारण सयौं सवारीसाधन र यात्रुहरू अलपत्र परेका थिए ।
वर्षाका कारण यो सडक खण्डका विभिन्न स्थानमा पहिरो जाँदा पटकपटक अवरुद्ध हुँदै आएको छ ।






