काठमाण्डाै,५ बैशाख ।
राष्ट्रपति रामचन्द्र पाैडेल फेरि अस्पताल भर्ना भएका छन् । स्वास्थ्यमा समस्या आएपछि राष्ट्रपति पौडेल त्रिभुवन विश्वविद्यालय शिक्षण अस्पताल महाराजगञ्जमा उपचारका लागि भर्ना भएका हुन् ।
अहिले उनको स्वास्थ्य अवस्था सामान्य रहेको अस्पतालले जानकारी दिएको छ ।

अस्पतालका प्रशासन प्रमुख वैकुण्ठ थपलियाका अनुसार राष्ट्रपतिलाई श्वासप्रश्वासमा समस्या देखिएपछि डाक्टरकाे सुझावअनुसार अस्पतालमा भर्ना गरिएको हो । सुरुमा पेटमा र पछि छातीमा समस्या देखिएपछि पाैडेल निरन्तर डाक्टरकाे निगरानीमा हुनुहुन्छ। उहाँको फोक्सोको तल्लो भागको पानी झिकेर परीक्षणका लागि पठाइएको छ ।

यसअघि राष्ट्रपति पौडेल चैत १८ गते त्रिवि शिक्षण अस्पतालमा उपचारका लागि भर्ना भएर चैत २२ गते डिस्चार्ज भएका थिए । राष्ट्रपति पौडेल हिजो सोमवार पनि छातीमा समस्या देखिएपछि स्वास्थ्य परीक्षणका लागि अस्पताल पुगेर फर्किएकन थिए ।