बुटवल, २१ भदौ ।
ट्रेड युनियन महासंघ जिफन्ट लुम्बिनी प्रदेशले जिफन्ट आबद्ध एक सदस्यलाई आर्थिक सहयोग गरेको छ ।
बुटवल दिपनगर स्थित सिद्धार्थ बाल तथा महिला अस्पताल (आम्दा) बुटवलमा लामो समय कार्यालय सहयोगीको रुपमा काम गरेका नर बहादुर गाहाँलाई मृगौला रोगको उपचारका लागि आर्थिक सहयोग गरेको हो ।
गाहा जिफन्ट आबद्ध नेपाल स्वास्थ्यकर्मी तथा कर्मचारी संघको सदस्य समेत हुन ।
लामो समय देखि मृगौला रोग संग लडिरहेका गाहालाई जिफन्टले नगद ३० हजार रुपैया हस्तान्तरण गरेको छ । जिफन्ट प्रदेश कमिटि हुमकान्त काफ्ले, सचिव सन्तोष केसी सहितको टोलीले स्वास्थ्य लाभको कामना गर्दै आर्थिक रकम हस्तान्तरण गरेको थियो ।
सो अवसरमा जिफन्ट प्रदेश कमिटि हुमकान्त काफ्लेले रोग संग लडिरहेका सदस्यलाई संस्थाले केही भएपनि उपचारमा सहयोग होस भनेर ३० हजार रकम प्रदान गरेको बताए ।
रकम हस्तान्तरण कार्यक्रम गणेश खड्काको अध्यक्षता तथा अर्जुन भण्डारीको सञ्चालनमा सम्पन्न भएको थियो ।
