काठमाडौं,१३ जेठ ।
नेपालमा बिहीबार थप ६ हजार ९३९ जनामा काेराेना भाइरस संक्रमण पुष्टि भएको छ ।
पछिल्लो २४ घण्टामा २० हजार ४१४ पीसीआर परीक्षण गर्दा ६७३१ र ५७८ एन्टिजेन परीक्षण गर्दा २०८ जना गरी ६ हजार ९३९ जनामा काेराेना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना भाइरस संक्रमितको कुल संख्या ५ लाख ४२ हजार २५६ पुगेको छ ।
त्यस्तै पछिल्लो २४ घण्टामा थप ७ हजार २२६ कोरोना संक्रमित निकाे भएका छन् ।
पछिल्लो २४ घण्टामा थप १०६ जना कोरोना संक्रमितकाे मृत्यु भएको मन्त्रालयले जनाएको छ । नेपालमा हालसम्म ६ हजार ९५१ जना कोरोना संक्रमितकाे मृत्यु भएको छ ।
पछिल्लो २४ घण्टामा नेपालमा ६,९३९ जनामा काेराेना संक्रमण पुष्टि हुदा ७ हजार २२६ जना कोरोना संक्रमित निकाे भएका हुन् । ।
हाल देशभर १ लाख १६ हजार ४७६ जना सक्रिय संक्रमित रहेका छन् ।
