नवलपरासी,५ जेठ । नवलपरासीको पाल्हिनन्दन गाउँपलिकामा ट्रयाक्टरले मोटरसाईकललाई ठक्कर दिँदा एक जनाको मृत्यु भएको छ ।
मृत्यु हुनेमा नवलपरासीको पाल्हिनन्दन १ रमपुरवाका २६ वर्षीय उमेश यादव रहेका छन् ।
दुर्घटनामा गम्भीर घाईते भएका उनको उपचारको क्रममा पृथ्वीचन्द्र अस्पताल परासीमा मृत्यु भएको जिल्ला प्रहरी कार्यालय पश्चिम नवलपरासीले जनाएको छ ।
जिल्लाकाे पाल्हिनन्दन १ महेशपुरबाट बडसारे तर्फ जाँदै गरेको लु ३ त ५९२८ नम्बरको ट्रयाक्टरले युपी ५६ एडी ७५४६ नम्बरको मोटरसाईकललाई ठक्कर दिँदा मोटरसाईकल चालकको मृत्यु भएको प्रहरीले जनाएको छ ।
ठक्कर दिने ट्रयाक्टर चालक फरार रहेकाे र उनको खोजी कार्य भैरहेको प्रहरीले जनाएको छ ।
