पाल्पा,८ वैशाख ।
पाल्पा जिल्लाको माथागढी गाउँपालिका–५ सुर्कावास हात्तीलुङमासडकबाट टिपर खस्दा चालकको मृत्यु भएको छ ।
नवलपरासीको सुनवलबाट माथागढी–५ चुनढुंगा खानीतर्फ आउँदै गरेको लु २ ख ३६३६ नम्बरको टिपर बुधबार बिहान दुर्घटना हुँदा सल्यानका ३७ वर्षीय राम बोहोराको घटनास्थलमै मृत्यु भएको जिल्ला प्रहरी कार्यालय पाल्पाका प्रहरी निरीक्षक लक्ष्मण पचभैयाले जानकारी दिए ।
टिपर सडकबाट सय मिटर तल खसेर दुर्घटना भएको प्रहरीले जनाएको छ ।
