दाङ,३ बैशाख ।
बाँकेको कोहलपुर नगरापालिका–१३ स्थित बाँके राष्ट्रिय निकुञ्जमा बस र टिपर आपसमा ठक्कर खाँदा ५ जनाको मृत्यु भएको छ ।
दुर्घटनामा ७ जना गम्भिर घाइते भएका छन् ।
सुर्खेतबाट धरान जाँदै गरेको मकालु यातायातको से १ ख ३३४८ नम्बरको बस र ना.अ.क–४१ नम्बरको टिपर आपसमा ठोक्किएर दुर्घटना भएको ईलाका प्रहरी कार्यालय कोहलपुरका डिएसपी रविन्द्र खनालले जानकारी दिए ।
घइतेहरुको कोहलपुर मेडिकल कलेजमा उपचार भैरहेको । बसमा ४७ जना सवार रहेका प्रहरीले जनाएको छ ।
दुर्घटनामा घाइते भएका १४ जनाको अवस्थामा मध्यम र बाँकी यात्रुको अवस्था सामान्य रहेको जनाइएको छ ।
मृतकहरुको सनाखत हुन सकेको छैन ।
