काठमाण्डौ,१३ चैत ।
कांग्रेस नेता नवीन्द्रराज जोशीको निधन भएको छ ।
मष्तिष्कघात भइ काठमाण्डौको नर्भिक अस्पतालमा उपचाररत जोशीको शुक्रवार बेलुका निधन भएको हो ।
कांग्रेसका केन्द्रीयसमेत रहेका जोशी पूर्वमन्त्री समेत हुन् ।
जोशीको निधनप्रति नेपाली कांग्रेसका महामन्त्री डा.शशांक कोइराला,कांग्रेस नेता तथा पुर्व उपप्रधानमन्त्री प्रकाशमान सिंह लगायतका नेताहरुले दुख व्यक्त गरेका छन् ।
नेपाली कांग्रेसका महामन्त्री डा.कोइराला र नेता प्रकाशमान सिंहले सामाजिक सञ्जालमार्फत शोक व्यक्त गरेका हुन् ।
नेपालको लोकतान्त्रिक आन्दोलनमा किशोरवयदेखि समर्पित जोशी नेपाली कांग्रेसको एउटा निष्ठावान आशालाग्दो नक्षत्रको रुपमा हुनुहुन्थ्यो भन्दै शोक सन्देशमा वहाँको अकल्पनीय मृत्युले सम्पूर्ण पार्टीपंक्ति मात्र होइन सिंगो नेपाली जनमानस शोकाकुल बनेको उल्लेख छ ।
यस दुःखद् क्षणमा दिवंगत आत्माको चीरशान्तिको कामना गर्दै हार्दिक श्रद्धाञ्जली तथा शोकाकुल परिवारजनमा गहिरो समवेदना प्रकट गरिएको छ ।
