बुटवल,३ फागुन ।
बुटवलको कालिकानगरमा मोटर साइकल र स्कुटर एक आपसमा ठोक्किदाँ एक युवाको मृत्यु भएको छ ।
सिद्धार्थ राजमार्गको बुटवल– भैरहवा सडकखण्ड अन्तरगत बुटवलको कालिकानगरमा लु १५ प १४७२ नम्बरको मोटर साइकल र लु ५ प २८३५ नम्बरको स्कुटर गयराती एक आपसमा ठोक्किएर दुर्घटना भएको हो ।
दुर्घटनामा परी गम्भीर घाइते भएका लु १५ प १४७२ नम्बरको मोटर साइकल चालक बुटवलका सञ्जु खनालको उपचारका क्रममा भैरहवा मेडिकल कलेजमा मृत्युभएको लुम्बिनी प्रादेशिक ट्राफिक प्रहरी कार्यालय बुटवलले जनाएको छ ।
लु ५ प २८३५ नम्बरको स्कुटर चालक शिशिर मगरको अवस्था चिन्ताजनक रहेको प्रहरीले जनाएको छ ।
उनको भैरहवा मेडिकल कलेजमा उपचार भइरहेको छ । मोटरसाइकलमा पछाडी सवार बुटवल ११ का सचिन पाण्डे र स्कुटरमा पछाडि सवार सानजन पुन सामान्य घाइते भएको प्रहरीले जनाएको छ ।
