काठमाण्डौ,२८ माघ ।
नेपालमा बुधबार थप एक सय ३४ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा देशभरका प्रयोगशालामा तीन हजार पाँच सय ६७ जनाको पीसीआर परीक्षण गर्दा एक सय ३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको कुल संख्या दुई लाख ७२ हजार तीन सय ४९ पुगेको छ ।
यस्तै पछिल्लो २४ घण्टामा एक सय १८ जना कोरोना संक्रमित निको भएर डिस्चार्ज भएका छन् ।
नेपालमा हालसम्म दुई लाख ६८ हजार पाँच सय ४९ जना कोरोना संक्रमित निको भएर डिस्चार्ज भएका छन्
पछिल्लो २४ घण्टामा नेपालमा कोरोनाका कारण कसैको पनि मृत्यु नभएको स्वास्थ्य तथा जनसंख्या मन्त्रालयले जनाएको छ ।
नेपालमा अहिलेसम्म दुई हजार ४७ जना कोरोना संक्रमितको मृत्यु भएको छ ।
हाल देशभर एक हजार सात सय ५३ जना सक्रिय संक्रमित रहेका छन् ।
