बुटवल,२२ माघ ।
नेपाल कम्युनिस्ट पार्टी (नेकपा) प्रचण्ड माधव आह्वान गरेको आमहड्तालका कारण बुटवल लगायत देशभरकाे जनजिवन प्रभावित भएको छ ।
बन्दकर्ताहरूले बुटवलमा एक माेटरसाइकल ताेडफाेड गरेका छन भने दर्जनौं सवारीसाधनका चावि खाेसेका छन् ।
लुम्बिनी प्रदेशको बुटवलका भित्री सडकमा फाट्ट फुट्ट रूपमा माेटरसाइकल चले पनि मुख्य सडकमा बन्दकर्ताहरूले गाडि गुड्न दिएका छैनन्।
बन्दकाे अवज्ञा गरेको भन्दै बन्दकर्ताहरूले बुटवलमा लु ३१ प ९३५५ नम्बरको माेटरसाइकल ताेडफाेड गरेका हुन् ।
बुटवलको राजमार्ग चाैराहा मिलनचाेक मूल सडकमा ट्याक्टर र ट्रक तेर्साएर बाटाे बन्द गराइएको छ ।
बिहीबार बिहानैदेखि बन्द गर्न हिँडेका प्रचण्ड–नेपाल समूहका
६० जना नेता कार्यकर्ताहरुलाई प्रहरीले काठमाडौमा पक्राउ गरेको छ । बन्दकर्ताहरूले बिहानै गोंगबुमा एउटा ट्याक्सीमाथि आगजनीसमेत गरेका छन् ।
प्रहरी प्रशासनले बन्दकाे प्रभाव पर्न नदिन बुटवलक्षेत्रमा सुरक्षा व्यवस्था कडा बनाए पनि बन्दकर्ताहरू सडकमा उत्रेर बन्द गराउदै हिडेका छन् ।
बुधबार अबेर गृहमन्त्रालयले विज्ञप्ति जारी गर्दै निर्वाधरुपमा यातायात–व्यवसाय सञ्चालन गर्न आग्रह गरेको थियो । तर सडकमा पातलो संख्यामा निजी तथा साना सवारीहरु मात्रै देखिएका छन्
