काठमाण्डौ,२३ जेठ ।
प्रधानमन्त्री बालेन्द्र शाहको नेपाल भारत सीमा विवादसम्बन्धी अभिव्यक्ति विरुद्ध श्रम संस्कृति पार्टीले बिराेध प्रदर्शन गरेको छ । पार्टीले प्रधानमन्त्रीको अभिव्यक्ति विरुद्ध माईतीघरमा खबरदारी सभा आयोजना गरी विरोध प्रदर्शन गरेको हो ।
प्रधानमन्त्री शाहले प्रतिनिधि सभामा सम्बोधन गर्नेक्रममा ‘नेपालले पनि भारतको भूमी मिचेको रहेछ’ भन्ने अभिव्यक्ति दिएका थिए । अभिव्यक्ति पछि विपक्षी दल तथा नागरिक अगुवाहरुले प्रधानमन्त्री विरुद्ध प्रदर्शन गर्दै आएका छन् ।
प्रदर्शनमा सहभागी दलबहादुर गुरुङले प्रधानमन्त्रीले गलत अभिव्यक्ति दिएको बताए । उनले प्रधानमन्त्रीले नेपालको भूमी अरूलाई पनि मिच्न नदिने र नेपालले अरुको भूमी मिचेको भन्ने अभिव्यक्ति झुटो भएको बताउनुपर्ने उल्लेख गरे । उनले प्रधानमन्त्रीले माफी नमागेसम्म धर्ना दिइराख्ने चेतावनी दिए ।
