काठमाडौं,१७ फागुन ।
राष्ट्र, राष्ट्रियता, धर्म, संस्कृति तथा नागरिक बचाउ महाअभियानका संयोजक तथा मेडिकल व्यवसायी दुर्गा प्रसाईलाई पाँच दिन हिरासतमा राखेर अनुसन्धान गर्न प्रशासनले अनुमति दिएको छ ।
आइतबार बिहान आफ्नै निवास भक्तपुरबाट पक्राउ परेका प्रसाईलाई जिल्ला प्रशासन कार्यलय भक्तपुरले पाँच दिन हिरासतमा राखेर अनुसन्धान गर्न अनुमति दिएको हो ।
यससँगै प्रसाई अब चुनाव अघि नछुट्ने भएका छन् । आसन्न निर्वाचन विथोल्न प्रसाईले आजदेखि आमहड्तालको घोषणा पनि गरेका थिए ।
उनी यसअघि पटक पटक पक्राउ परेपनि सर्वोच्चको आदेशमा छुट्दै आएका छन् ।
