काठमाडौँ,२४ पुस ।
काठमाडौँको शंखरापुर नगरपालिका- ३ स्थित जहरसिंहपौवामा बुधबार साँझ भएको बस दुर्घटनामा मृत्यु हुनेको संख्या पाँच पुगेको छ ।
दुर्घटनामा परी बुधबार चार जनाको मृत्यु भएकोमा उपचारको क्रममा विहिबार थप एक जनाको मृत्यु भएको हो । प्रहरीका अनुसार मृतक सबैको सनाखत भएको छ ।
मृत्य हुनेमा नेपालगञ्ज घर भई हाल काठमाडौँको बुढानीलकण्ठ बस्ने ४९ बर्षकी कामना शर्मा, ताप्लेजुङ घर भई हाल बुढानीलकण्ठ बस्ने ५१ बर्षकी इन्दिरा लिम्बु, सिराह घर भई हाल पेप्सीकोला बस्ने ५५ बर्षकी शान्ति गुप्ता, पाँचथर घर हाल गोठाटार बस्ने अन्दाजी वर्ष ६५ का देवेन्द्र लिम्बु र काठमाडौँ जोरपाटीका ६० वर्षीय अर्जुन लामिछाने रहेका छन् ।
नेचर हाउस कम्पनीबाट पिकनिक गएर फर्किनेक्रममा बा ४ ख ८७८८ नम्बरको महानगर यातायातको बस जहरसिंहपौवामा सडकबाट करिब सय मिटर तल खसेको थियो ।
दुर्घटनामा परी घाइते भएका २३ जनाकाे हाल उपचार भइरहेको छ ।
