काठमाडौँ,१५ पुस ।
हाल देशभर पश्चिमी वायूको आंशिक प्रभाव रहेको जल तथा मौसम विज्ञान विभागले जानकारी दिएको छ । विभागका अनुसार तराईका धेरै स्थानहरूमा हाल हुस्सु् लागेको छ भने देशको पहाडी तथा हिमाली भू-भागमा आंशिक बदली रहेको छ ।
देशका तराई भू-भागमा हुस्सु/कुहिरोको प्रभावले बिहानको समयमा दैनिक जनजीवन, स्वास्थ्य, सडक तथा हवाई यातायातमा आंशिक प्रभाव पर्ने देखिएको विभागले जनाएको छ ।
विभागका अनुसार आज दिउँसो र राति तराई भू-भागका अधिकांश स्थानहरूमा हुस्सु/कुहिरो रहनेछ भने कोशी प्रदेश, बागमती प्रदेश र गण्डकी प्रदेशका पहाडी तथा हिमाली भू-भागमा आंशिक बदली रही बाँकी भू-भागमा मौसम मुख्यतया सफा रहनेछ ।
