काठमाडौँ,७ पुस ।
जेनजी अभियन्ता मिराज ढुंगाना समुहकाे प्रदर्शनमा प्रहरीले हस्तक्षेप गरेको छ ।
काठमाडौँको माइतीघरमा अनुमति नलिएर आन्दोलन शुरु गरेको भन्दै प्रहरीले हस्तक्षेप गरेको हो । आन्दोलनमा सहभागी डा. निकोलस भुसालसहित केही प्रदर्शनकारीलाई प्रहरीले पक्राउ गरेको छ ।
यसअघि आन्दोलनका लागि प्रदर्शनकारीहरू माइतीघर मण्डलामा उपस्थिति हुन थालेपछि प्रहरीले अनुमति नलिएर आन्दोलन गर्न नपाइने भन्दै माइकिङ गरेको थियो । ढुंगाना समुहले माइतीघरमा प्रदर्शन गर्न प्रशासनिक अनुमति नलिएकोले अनुमति नलिइ कार्यक्रम गर्न नपाइने भन्दै प्रहरीले माइकिङ गरेर जानकारी दिएको थियो ।
ढुंगाना समुहले १० बुँदे मागसहित आन्दोलन सुरु गरेको छ । अहिले माइतीघरमा उपस्थित भएका युवाहरुले नाराबाजी गरिरहेका छन् भने प्रहरीले उनीहरुलाई हटाउने प्रयास शुरु गरेको छ । युवाहरुले सुशिला कार्कीको राजीनामा मागिरहेका छन् भने जेनजी आन्दोलनमा युवाहरुको हत्या गर्नेहरुलाई कारवाहीको माग गरेका छन् ।
