काठमाडौँ,१७ मंसिर ।
नागरिक उड्डयन प्राधिकरणका महानिर्देशक प्रदीप अधिकारी र पूर्वनिर्देशनक मुरारी भण्डारीलाई अख्तियारले नियन्त्रणमा लिएको छ ।
तारेखका लागि उपस्थित भएका दुवै जनालाई अख्तियारले नियन्त्रणमा लिएर विशेष अदालतमा उपस्थित गराएको हो ।
बुधबार अख्तियारमा उनीहरूको तारेख थियो ।
उनीहरूविरुद्ध आजै मुद्दा दर्ता गर्ने अख्तियारको तयारी छ ।
भक्तपुरको नलिनचोकस्थित हेलिप्याड निर्माणमा अनियमितता भएको विषयमा अख्तियारले उनिहरूमाथी अनुसन्धान गरिरहेको थियो ।
अख्तियारले भक्तपुरको नलिनचोकस्थित हेलिप्याड निर्माणमा भ्रष्टाचार गरेको आरोपमा अधिकारी र भण्डारीसहित ७ जनाविरुद्ध विशेष अदालतमा आरोप पत्र दायर गर्ने तयारी गरेको हो ।
यसअघि तारेखमा राखेर अनुसन्धान गरिरहेको अख्तियारले अधिकारी र भण्डारीलाई बुधबार पक्राउ गरेर आरोप पत्रसहित विशेष अदालतमा उपस्थित गराएको छ । अदालतले अनुमति दिए उनीहरूलाई हिरासतमा राखेर मुद्दाको थुनछेक प्रक्रियाअघि बढ्ने छ ।
