काठमाडौं,८ मंसिर ।
नेपाल प्रिमियर लिग (एनपीएल) मा सट्टेबाजी गर्ने कार्यमा संलग्न रहेको आराेपमा ८ जना पक्राउ परेका छन् ।
पक्राउ पर्नेहरू सबै भारतीय नागरिकहरू रहेका छन् । पक्राउ पर्नेमा भारत आन्द्रा प्रदेश प्रकासमपामुर गाउँ घर भई काठमाडौं महानगरपालिका-२६ सामाखुशी बस्ने ३१ वर्षीय राजा यदुला, ३५ वर्षीय महेश बाबु, ३० वर्षीय पण्डित श्रीनिवासुलु, २० वर्षीय सेख सोयब, ३० वर्षीय नभिन मड्डेला, ३२ वर्षीय महमद रफी सेख, १९ वर्षीय साई कुमार तम्मिसेट्टी र २८ वर्षीय सेख चन्द बसल रहेका छन् ।
नेपाल क्रिकेट एशोसियसन (क्यान) द्धारा मंसिर १ गते देखि मंसिर २७ गते सम्म सञ्चालन भइरहेको नेपाल प्रिमियर लिग (एनपिएल) दोस्रो संकरणको क्रिकेट प्रतियोगितामा सहभागी भई बेताकुलर डट लाइभ नामक अनलाइन बेटिङ साइटबाट खेल हारजित हुने गरी रकम लगानी गरी सट्टेबाजी गर्ने कार्यमा संलग्न रहेको आराेपमा उनीहरूलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-१४ बल्खुबाट पक्राउ गरेको हो ।
उनीहरूलाई सट्टेबाजी गर्न गराउन नहुने कसुरमा आवश्यक अनुसन्धान एवम् कारवाहीको लागि जिल्ला प्रहरी परिसर काठमाडौं पठाइएको प्रहरीले जनाएको छ ।
