लुम्बिनी,८ जेठ ।
लुम्बिनी विकास कोषका उपाध्यक्ष प्रथम योल्मो खेन्पो (छिमे छिरिङ) डा. ल्हारक्याल लामाले लुम्बिनी प्रभाको विमोचन गरेका छन् ।
लुम्बिनी बौद्ध विश्वविद्यालयले आयोजना गरेको पुस्तक विमोचन तथा छात्रवृत्ति वितरण कार्यक्रममा बाेल्दै उपाध्यक्ष लामाले लुम्बिनी प्रभाले विश्वलाई लुम्बिनीलाई चिनाउन सहयोग गर्ने विश्वास व्यक्त गरेका छन्
लुम्बिनी प्रवाहले लुम्बिनी, तिलौराकोट, रामग्राम, देवदह (पण्डितपुर) लगायत क्षेत्रहरुको महत्त्वलाई उजागर गरेको बताएका छन् । आगामी दिनमा थेरवाद, महायान र बज्रयान सम्प्रदायमा बुझ्ने गरि यस्तै पुस्तक प्रकाशन गर्न समेत आग्रह गरेका छन् । बुद्धदर्शन बारे गहिरो अनुसन्धान र अभ्यास गरेर पुस्तकहरु प्रकाशन गरेमा व्यक्तिगत रुपमा सहयोग गर्ने प्रतिबद्धता समेत व्यक्त गरेका छन् ।
लुम्बिनी बौद्धविश्वविद्यालय र लुम्बिनी विकास कोष एक सिक्काको दुईपाटा रहेको भन्दै उपाध्यक्ष डा. लामाले विश्वविद्यालयका प्राध्यापक, शिक्षक कर्मचारी र विद्यार्थीहरुको मनाेवल थप उचाे बनाएर सिर्जनशील हुदै अगाडि बढाउने बताए ।
कार्यक्रममा क्याम्पस प्रमुख डा. निरबहादुर गुरुङ, डा विमलेन्द्र कुमार, फनिन्द्र कुमार न्यौपानेले शुभकामना व्यक्त गरेका थिए ।
