रौतहट,२१ जेठ ।
प्रेम पत्र पठाएको आरोपमा रौतहटमा एक युवकमाथि निर्घात कुटपिट भएको छ।
कुटपिट हुनेमा जिल्लाकाे दुर्गा भगवती गाउँपालिका वडा नम्बर ५ का १९ वर्षीय युवक रहेका छन् । एक युवतीलाई प्रेमपत्र पठाएको आराेपमा बिहीबार उनिमाथि कुटपिट निर्घात कुटपिट भएको हो।
युवकलाई अर्का एक पुरूषले कुटपिट गरिरहेको भिडिओ सामाजिक सञ्जालमा भाइरल भएपछि प्रहरीले घटना बारेमा चासो लिएको छ ।
जिल्ला प्रहरी कार्यालय रौतहटका प्रहरी प्रमुख, प्रहरी उपरीक्षक शिद्धिविक्रम शाहले करिब ४५ वर्षका राजदेव गिरीले १९ वर्षका विकास पासवानलाई कुटपिट गरेको प्रारम्भिक अनुसन्धानबाट खुलेको जानकारी दिए।
पासवानमाथि लठ्ठीले पिँडुला, ढाडलगायतमा कुटपिट गर्दा गाउँलेहरू भने हेरिरहेकाे भिडियोमा देख्न सकिन्छ ।
घटनाबारे साेधपुछका लागि प्रहरीले दुवै जनालाई कार्यालयमा बोलाएको छ।
घटनाकाे बिषयमा आवश्यक अनुसन्धान भैरहेको प्रहरीले जनाएको छ।
