काठमाण्डौ,११ वैशाख ।
नेपालमा शनिबार २ हजार ६ सय १८ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ७ हजार ५ सय २५ जनाको पीसीआर परीक्षण गर्दा २ हजार ४ सय ८६ जना र १ हजार १ सय ४३ जनाको एन्टिजेन परीक्षण गर्दा एक सय ३३ जना गरी २ हजार ६ सय १८ जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमण पुष्टि हुनेको संख्या दुई लाख ९७ हजार ८७ जना पुगेको छ ।
यस्तै पछिल्लो २४ घण्टामा तीन सय ६८ जना कोरोना संक्रमित निको भएका छन् ।
नेपालमा हालसम्म दुई लाख ७७ हजार एक सय २३ जना निको भएका छन् । पछिल्लो २४ घण्टामा थप १४ जना कोरोना संक्रमितको मृत्यु भएको छ ।
यससँगै नेपालमा कोरोना संक्रमित मृतकको संख्या ३ हजार १ सय ३६ पुगेको स्वास्थ्य तथा जनसंख्या मन्त्रालयले जनाएको छ ।
हाल देशभर १६ हजार आठ सय २८ जना सक्रिय संक्रमित रहेका छन् । सक्रिय संक्रमित मध्ये दुई सय १३ जना आईसीयू र ६९ जना भेण्टिलेटरमा उपचार गराइरहेका छन् ।
अहिले काठमाण्डौ,रुपन्देही दाङ, बाँक, कास्की, भक्तपुर, ललितपुर र पर्सामा पाँच सय भन्दा धेरै सक्रिय संक्रमित रहेका छन् ।
