काठमाण्डौ,७ वैशाख ।
नेपालमा मंगलबार थप १ हजार ७ सय ३६ जनामा कोरोना संक्रमण पुष्टि भएको छ ।
पछिल्लो २४ घण्टामा ८ हजार ५५ जनाको पीसीआर परीक्षण गर्दा १ हजार ६ सय ६७ जना र ६ सय ८३ जनामा एन्टिजेन परीक्षण गर्दा ६९ जना गरी १ हजार ७ सय ३६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको संख्या दुई लाख ८७ हजार पाँच सय ६७ पुगेको छ ।
त्यस्तै पछिल्लो २४ घण्टामा थप दुई सय ५१ जना कोरोना संक्रमित निको भएका छन् ।
नेपालमा हालसम्म दुई लाख ७५ हजार आठ सय ६ जना कोरोना संक्रमित निको भएका छन् ।
पछिल्लो २४ घण्टामा थप तीन जना संक्रमितको मृत्यु भएको छ भने यसअघि मृत्यु भएका थप आठ जनाको विवरण प्राप्त भएको स्वास्थ्य तथा जनसंख्या मन्त्रालयले जनाएको छ ।
नेपालमा हालसम्म ३ हजार १ सय २ जना कोरोना संक्रमितको मृत्यु भएको छ ।
हाल देशभर ८ हजार ६ सय ५९ जना कोरोनाका सक्रिय संक्रमित रहेका छन् ।
