काठमाडौँ,३ बैशाख ।
नेपालमा शुक्रबार थप ९०० जनामा कोरोना संक्रमण पुष्टि भएको छ ।
पछिल्लो २४ घण्टामा देशका विभिन्न प्रयोगशालामा गरिएको ५ हजार ५ सय ३७ परीक्षणबाट शुक्रबार ८३६ जना र ६ सय २१ एन्टिजेन परीक्षणबाट ६४ जना गरी ९०० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या २ लाख ८२ हजार ८९० पुगेको छ ।
त्यस्तै पछिल्लो २४ घण्टामा थप २०८ जना कोरोना संक्रमित निको भएर डिस्चार्ज भएका छन् । नेपालमा हालसम्म २ लाख ७४ हजार ८ सय १२ जना कोरोना संक्रमित निको भएका छन् ।
सोही अवधिमा कोरोनाबाट २ जनाको मृत्यु भएको छ ।
नेपालमा हालसम्म ३ हजार ७० जना कोरोना संक्रमितको मृत्यु भएको छ ।
हाल ५ हजार ८ आइसोलेसनमा रहेका छन् भने ७७ जना क्वारेन्टाइनमा रहेका छन् ।
