काठमाण्डौ,३१ चैत ।
नेपालमा मंगलबार थप ५१७ जनामा कोरोना संक्रमण पुष्टि भएको छ ।
पछिल्लो २४ घण्टामा ४ हजार ३ सय ८६ जनाको पीसीआर परीक्षण गर्दा चार सय ६० जना र आठ सय १७ जनाको एन्टिजेन परीक्षण गर्दा ५७ जना गरी कुल पाँच सय १७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमण पुष्टि हुनेको संख्या दुई लाख ८० हजार नौ सय ८४ पुगेको छ ।
यस्तै पछिल्लो २४ घण्टामा थप एक सय ५३ जना कोरोना संक्रमित निको भएका छन् ।
नेपालमा हालसम्म दुई लाख ७४ हजार तीन सय १८ जना कोरोना संक्रमित निको भएको स्वास्थ्य मन्त्रालयले जनाएको छ ।
पछिल्लो २४ घण्टामा नेपालमा थप पाँच जना कोरोना संक्रमितको मृत्यु भएको छ ।
नेपालमा अहिलेसम्म तीन हजार ५८ जना कोरोना संक्रमितको मृत्यु भएको छ ।
हाल देशभर ३ हजार ६ सय आठ जना सक्रिय संक्रमित रहेका छन् । सक्रिय संक्रमितमध्ये ३३ जना आईसीयू र १३ जना भेन्टिलेटरमा उपचार गराइरहेका मन्त्रालयले जनाएको छ ।
