काठमाण्डौ,३० चैत ।
नेपालमा सोमबार थप चार सय ९६ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ४ हजार ३ सय ७८ जनाको पीसीआर परीक्षण गर्दा चार सय ९६ जना र सात सय २७ जनाको एन्टिजेन परीक्षण गर्दा ६३ जना गरी ५५९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
नेपालमा कोरोना संक्रमण पुष्टि हुनेको संख्या दुई लाख ८० हजार पाँच सय २४ पुगेको छ ।
यस्तै पछिल्लो २४ घण्टामा एक सय ३८ जना कोरोना संक्रमित निको भएका छन् ।
नेपालमा हालसम्म दुई लाख ७४ हजार एक सय ६५ जना कोरोना संक्रमित निको भएका छन् ।
त्यस्तै पछिल्लो २४ घण्टामा नेपालमा कोरोना संक्रमणबाट १३ जनाको मृत्यु भएको छ । नेपालमा हालसम्म तीन हजार ५३ जना कोरोना संक्रमितको मृत्यु भएको मन्त्रालयले जनाएको छ ।
हाल देशभर ३ हजार ३ सय ६ जना कोरोनाका सक्रिय संक्रमित रहेका छन् ।
