काठमाण्डौ,१९ चैत ।
नेपालमा बिहिबार थप एक सय ५२ जनामा कोरोना भाइरसको संक्रमण पुष्टि भएको छ ।
पछिल्लो २४ घन्टामा ४ हजार २ सय १३ जनाको पीसीआर परीक्षण गर्दा एक सय ५२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको संख्या दुई लाख ७७ हजार चार सय ६१ पुगेको छ ।
यस्तै पछिल्लो २४ घण्टामा थप ६५ जना कोरोना संक्रमित निको भएका छन् ।
नेपालमा हालसम्म दुई लाख ७२ हजार आठ सय ५१ जना कोरोना संक्रमित निको भएका छन् ।
पछिल्लो २४ घन्टामा एक जना कोरोना संक्रमितको ज्यान गएको छ ।
नेपालमा हालसम्म तीन हजार ३१ जना कोरोना संक्रमितको मृत्यु भएको छ ।
हाल देशभर १ हजार ५ सय ७९ जना सक्रिय संक्रमित रहेका छन् ।
