काठमाण्डौ,१८ चैत ।
नेपालमा बुधबार थप एक सय ६२ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ३ हजार ९ सय १५ जनाको पीसीआर परीक्षण गर्दा एक सय ६२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको संख्या दुई लाख ७७ हजार तीन सय नौ पुगेको छ ।
यस्तै पछिल्लो २४ घण्टामा थप ५९ जना कोरोना संक्रमित निको भएका छन् ।
नेपालमा हालसम्म दुई लाख ७२ हजार सात सय ८६ जना कोरोना संक्रमित निको भएका छन् । कोरोना संक्रमणका कारण पछिल्लो २४ घन्टामा कसैको पनि मृत्यु नभएको स्वास्थ्य मन्त्रालयले जनाएको छ । नेपालमा हालसम्म तीन हजार तीस जना कोरोना संक्रमितको मृत्यु भएको छ ।
हाल देशभर १ हजार ४ सय ९३ जना कोरोनाका सक्रिय संक्रमित रहेका छन् ।
