काठमाडौं,१६ चैत ।
नेपालमा सोमबार १४१ जनामा कोरोना संक्रमण पुष्टि भएको छ ।
पछिल्लो २४ घण्टामा मुलुकभर तीन हजार एक सय २२ जनाको पिसिआर परीक्षण गर्दा एक सय ४१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या दुई लाख ७६ हजार ९ सय ८० जना पुगेको छ ।
पछिल्लो २४ घण्टामा थप ८२ जना कोरोना संक्रमित निको भएका छन् ।
नेपालमा हालसम्म दुई लाख ७२ हजार ६ सय १२ जना कोरोना संक्रमित निको भएका छन् ।
बितेको २४ घण्टामा कोरोना संक्रमणका कारण कसैको पनि मृत्यु नभएको स्वास्थ्य तथा जनसंख्या मन्त्रालयले जनाएको छ ।
नेपालमा हालसम्म तीन हजार २७ जना कोरोना संक्रमितको मृत्यु भइसकेको छ ।
हाल देशभर १ हजार ३ सय ४१ जना कोरोनाका सक्रिय संक्रमित रहेका छन् ।
देशभर हाल ५६ जना क्वारेन्टाइनमा रहेका छन् ।
