काठमाडौं,१४ चैत ।
नेपालमा शनिबार थप ८५ जनामा कोरोना भाइरसको संक्रमण पुष्टि भएको छ ।
पछिल्लो २४ घन्टामा देशभरका प्रयोगशालामा २ हजार ७ सय ४५ को पिसिआर परीक्षण गर्दा ८५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको संख्या दुई लाख ७६ हजार ७ सय ५० पुगेको छ ।
पछिल्लो २४ घण्टामा थप ९३ जना कोरोना संक्रमित निको भएका छन् ।
नेपालमा हालसम्म दुई लाख ७२ हजार ४ सय ४० जना कोरोना संक्रमित निको भएका छन् ।
त्यस्तै पछिल्लो २४ घण्टामा तीन जना कोरोना संक्रमितको मृत्यु भएको छ ।
नेपालमा हालसम्म तीन हजार २३ जना कोरोना संक्रमितको मृत्यु भएको छ ।
हाल देशभर १ हजार २ सय ८८ जना संक्रिय संक्रमित रहेको मन्त्रालयले जनाएको छ ।
देशभर ५९ जना क्वारेन्टाइनमा रहेका छन् ।
