-प्रकाश कुमार सिग्देल
नाटक र नौटंकीमा कत्ति फरक देख्दिनँ म !
त्यसैले त राजनीति बुझ्दिनँ म
नाटक र नौटंकीमा कत्ति फरक देख्दिन म
गधालाई दूधले नुहाइदिने व्यर्थको कोसिस किन?
त्यसैले त राजनीति बुझ्दिनँ म
दरबारलाई म्युजियम बनाउने शक्ति
स्वार्थै स्वार्थको र्यालमा चिप्लियो किन?
त्यसैले त राजनीति बुझ्दिनँ म
हिजोको धोबीको कुकुर घरको न घाटको
तर आज त्यही आफ्नै घरको खाटको
छिनछिनमै यस्तो भइराख्छ किन?
त्यसैले त राजनीति बुझ्दिनँ म
सडकमा सिंह बन्नेहरू उही हुन्
तर सिंहदरबारभित्र स्याल बने किन?
त्यसैले त राजनीति बुझ्दिनँ म
गठबन्धन हो या यो ‘गोठको बन्धन’
दाम्लो छिनाली भदौरे साँढेको पारा गर्छन् किन?
त्यसैले त राजनीति बुझ्दिनँ म
गुटैगुट–स्वार्थको सेप्यानमा हुर्कन नपाएको
नेपाली राजनीतिमा यति सारो सप्रेका नेता किन?
त्यसैले त राजनीति बुझ्दिनँ म
साहित्यपाटिबाट
