काठमाडौं,११ चैत ।
नेपालमा बुधबार थप एक सय ४५ जनामा कोरोना संक्रमण पुष्टि भएको छ ।
पछिल्लो २४ घण्टामा देशभरका प्रयोगशालाहरुमा तीन हजार ९ सय ६३ जनाको पिसिआर परीक्षण गर्दा एक सय ४५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या २ लाख ७६ हजार तीन सय ८९ पुगेको छ ।
पछिल्लो २४ घण्टामा थप ९० जना कोरोना संक्रमित निको भएका छन् । नेपालमा हालसम्म २ लाख ७२ हजार एक सय ८७ जना कोरोना संक्रमित निको भएका छन् ।
त्यस्तै पछिल्लो २४ घण्टामा थप एक जना कोरोना संक्रमितको मृत्यु भएको छ ।
नेपालमा हालसम्म तीन हजार २० जना कोरोना संक्रमितको मृत्यु भएको छ ।
हाल देशभर १ हजार १ सय ८२ सक्रिय संक्रमित रहेका छन् भने ५२ जना क्वारेन्टाइनमा रहेको स्वास्थ्य तथा जनसंख्या मन्त्रालयले जनाएको छ ।
