काठमाडौँ,२ चैत ।
नेपालमा ७९ जना कोरोना संक्रमित थपिएका छन् ।
योसँगै नेपालमा कोरोना संक्रमितको संख्या २ लाख ७५ हजार ३ सय १० पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा ३ हजार ३ सय ११ जनाको पीसीआर परीक्षण गर्दा ७९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमण पुष्टि हुनेको संख्या दुई लाख ७५ हजार तीन सय १० पुगेको छ ।
यस्तै पछिल्लो २४ घण्टामा ७५ जना कोरोना संक्रमित निको भएका छन् ।
नेपालमा हालसम्म दुई लाख ७१ हजार चार सय एक जना कोरोना संक्रमित निको भएका छन् ।
पछिल्लो २४ घण्टामा नेपालमा कोरोना संक्रमणका कारण कसैको पनि मृत्यु नभएको मन्त्रालयले जनाएको छ ।
नेपालमा अहिलेसम्म तीन हजार १४ जना कोरोना संक्रमितको मृत्यु भएको छ ।
हाल मुलुकभर ८ सय ९५ जना संक्रमित आइसोलेसनमा रहेका छन् भने ४४ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २२ लाख १८ हजार ७ सय २२ पीसीआर परीक्षण भएको छ ।
