बुटवल, २७ फागुन ।
बुटवलको मिलनचोक स्थित दियालो फुडल्याण्डमा आगलागी भएको छ । गएराति करिब १ः३० बजे फुडल्याण्डको माथिल्लो तलामा रहेको रेष्टुरेन्टमा आगलागी भएको हो ।
आगलागीबाट रेष्टुरेण्ट रहेको माथिल्लो तलामा रहेका सामान जलेर पूर्णरुपमा नष्ट भएका छन् । केही कामदार रेष्टुरेन्टमै सुतेका भए पनि आगलागीबाट मानवीय क्षति भने नभएको प्रहरीले जनाएको छ ।
आगो बुटवल उपमहानगरपालिकाको दमकलले करिब तीन घण्टामा नियन्त्रणमा लिएको इलाका प्रहरी कार्यलय बुटवलका प्रमुख प्रहरी नायब उपरीक्षक प्रतितसिंह राठौरले जानकारी दिए । विद्युत सर्ट भएर आगलागी भएको हुन सक्ने प्रहरीको अनुमान छ । आगलागीको समयमा फुडल्याण्डको तल्लो तलाका सबै सटर बन्द थिए ।
घटनाबारे आवस्यक अनुसन्धान भइरहेको प्रहरी नायब उपरीक्षक डीएसप राठौरले बताए ।
