बुटवल,२१ फागुन ।
नेपालमा शुक्रबार थप एक सय २० जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा ६ हजार एक सय ४३ जनाको पीसीआर परीक्षण गर्दा एक सय २० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या दुई लाख ७४ हजार ६ सय आठ पुगेको छ ।
यस्तै पछिल्लो २४ घण्टामा ८३ जना उपचारपछि निको भएका छन् । नेपालमा हालसम्म दुई लाख ७० हजार सात सय ६६ जना कोरोना संक्रमित निको भएको मन्त्रालयले जनाएको छ ।
यसैबीच गएको २४ घण्टामा नेपालमा कोरोनाबाट कसैको पनि ज्यान गएको छैन ।
नेपालमा कोरोना भाइरसको संक्रमणका कारण अहिलेसम्म तीन हजार १० जनाको ज्यान गएको मन्त्रालयले जनाएको छ ।
हाल देशभर आठ सय ३२ जना कोरोनाका सक्रिय संक्रमित रहेका छन् ।
