बुटवल,१७ फागुन ।
नेपालमा सोमबार थप ७३ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा देशभरका प्रयोगशालामा तीन हजार ४९ जनाको पीसीआर परीक्षण गर्दा ७३ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा दुई लाख ७४ हजार दुई सय १६ जनामा कोरोना पुष्टि भएको छ ।
त्यस्तै पछिल्लो २४ घण्टामा ६४ जना कोरोना संक्रमित निको भएर डिस्चार्ज भएका छन् ।
हालसम्म नेपालमा दुई लाख ७० हजार चार सय ७१ जना निको भएका छन् ।
नेपालमा पछिल्लो २४ घण्टामा थप तीन जना कोरोना संक्रमितको मृत्यु भएको छ ।
हालसम्म नेपालमा दुई हजार सात सय ७७ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।
अहिले नेपालमा नौ सय ६८ जना सक्रिय संक्रमित रहेका छन् ।
