काठमाण्डौ,११ फागुन ।
नेपालमा मंगलबार थप १ सय १० जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा तीन हजार दुई सय १८ जनाको पीसीआर परीक्षण गर्दा एक सय १० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमण पुष्टि हुनेको संख्या दुई लाख ७३ हजार ६ सय ६६ पुगेको छ ।
यस्तै पछिल्लो २४ घण्टामा थप एक सय दुई जना कोरोना संक्रमित निको भएका छन् ।
नेपालमा हालसम्म दुई लाख ७० हजार ६८ जना कोरोना संक्रमित निको भएका छन् ।
पछिल्लो २४ घण्टामा थप चार जना कोरोना संक्रमितको मृत्यु भएको छ । नेपालमा अहिलेसम्म दुई हजार ६५ जना कोरोना संक्रमितको मृत्यु भएको छ ।
अहिले नेपालमा एक हजार पाँच सय ३३ जना आइसोलेशनमा रहेका मन्त्रालयले जनाएको छ ।
