काठमाडौं,२७ माघ ।
नेकपा प्रचण्ड–माधव समूहले काठमाडौंमा गर्न लागेको प्रदर्शनको अघिल्लो दिन मंगलबार स्वयं सेवकहरुले मार्चपास गरेका छन् ।
प्रदर्शनीमार्गस्थित वाल्मीकी क्याम्पसबाट सुरु भएको मार्चपास पुतलीसडक, बागबजार, पुरानो बसपार्क, भृकुटीमण्डप हुँदै फेरि वाल्मीकी क्याम्पस आएर सकिएको थियो ।
बुधबार हुने बृहत सभालाई व्यवस्थापन कसरी गर्ने भन्ने विषयमा संघर्ष समितिका सहसंयोजक योगेश भट्टराईले स्वयंसेवकहरुलाई निर्देशन दिएका थिए ।
सो समूहले भोलि हुने सभामा राजधानी उपत्यका र बागमती प्रदेशबाट ठूलो सहभागिता गराउने तयारी गरेको छ । सभामा देशभरबाट प्रतिनिधिमूलक ढंगको सहभागिता गराउने सो समूहको योजना रहेको छ ।
संसद विघटनको बिरोधमा आन्दोलन गर्दै आएको नेकपा प्रचण्ड–माधव समूहले बुधबार काठमाडौंमा विशाल जनप्रदर्शन गरी संसद् पुनस्र्थाथापनामा दबाव दिने रणनीति अख्तियार गरेको जनाइएको छ ।
