बुटवल,२० माघ ।
नेपालमा मंगलबार थप १७१ जनामा कोरोना संक्रमण पुष्टि भएको छ ।
पछिल्लो २४ घण्टामा २ हजार ९४६ जनाको पिसिआर परीक्षण गर्दा ७१ महिला र १०० पुरुष गरी १७१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या २ लाख ७१ हजार २ सय ८९ पुगेको छ ।
त्यसैगरी पछिल्लो २४ घण्टामा थप २५९ जना कोरोना संक्रमित निको भएर डिस्चार्ज भएका छन् । यससँगै नेपालमा निको हुनेको संख्या २ लाख ६६ हजार ८ सय ५९ पुगेको छ ।
त्यस्तै पछिल्लो २४ घन्टामा थप एक जना कोरोना संक्रमितको मृत्यु भएको छ ।
नेपालमा हालसम्म २ हजार ३० जना कोरोना संक्रमितको मृत्यु भएको छ ।
हाल देशभरि सक्रिय संक्रमितको संख्या २ हजार ४ सय रहेको छ भने ९५ जना क्वारेन्टाइनमा रहेका छन् ।
