काठमाण्डौ,१९ माघ ।
रोकि राखेको ट्रकमा अर्काे ट्रक ठोक्किँदा धादिङमा दुई जनाको मृत्यु भएको छ भने एक जना घाइते भएका छन् ।
धादिङको थाक्रे गाउँपालिका–२ कोइरालेमा बिग्रिएर सडक छेउमा रोकेर राखेको ना ६ ख ६४६५ नम्बरको ट्रकमा त्यही दिशाबाट आउँदै गरेको लु २ ख २७० नम्बरको ट्रक ठोक्किँदा दुर्घटना भएको हो ।
गएराति साढे ३ बजेतिर भएको दुर्घटनामा ज्यान गुमाएका दुई जनाको सनाखत हुनसकेको छैन । दुर्घटनामा लु २ ख २७० नम्बरको ट्रकका चालक गम्भीर घाइते भएका छन् । उनलाई उपचारका लागि काठमाण्डौको ट्रमा सेन्टर ल्याइएको महानगरीय ट्राफिक प्रहरी महाशाखाले जनाएको छ ।
अर्का ट्रक चालक भने सामान्य घाइते भएका छन् ।
