काठमाण्डौ,१७ माघ ।
नेपालमा पछिल्लो २४ घण्टामा एक सय नौ जनामा कोरोना संक्रमण पुष्टि भएको छ ।
पछिल्लो २४ घण्टामा तीन हजार छ सय १८ जनाको पीसीआर परिक्षण गर्दा एक सय नौ जनामा कोरोना संक्रमण पुष्टि भएको हो ।
यससँगै नेपालमा कुल संक्रमितको संख्या दुई लाख ७० हजार आठ सय ५४ पुगेको जनसंख्या मन्त्रालयले जनाएको छ ।
पछिल्लो २४ घण्टामा थप तीन सय ५० जना कोरोना संक्रमित निको भएका छन् ।
यससँगै नेपालमा दुई लाख ६६ हजार ४८ जना कोरोना संक्रमित निको भएर डिस्चार्ज भएको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा थप दुई जना कोरोना संक्रमितको मृत्यु भएको छ ।
नेपालमा हालसम्म दुई हजार २७ जना कोरोना संक्रमितको मृत्यु भएको छ ।
यसैबीच नेपालमा कोरोनाका सक्रिय संक्रमितको संख्या तीन हजार भन्दा तल झरेको छ । नयाँ संक्रमण पुष्टि हुनेको संख्या कम र निको हुनेको संख्या बढेसँगै सक्रिय संक्रमितको संख्या घटेको हो ।
नेपालमा अहिले दुई हजार सात सय ७९ जना सक्रिय संक्रमित रहेका छन् । जसमध्ये एक सय ४४ जना आईसीयू र २५ जनाको भेण्टिलेटरमा उपचार भइरहेको छ । बाँकी आइसोलेशनमा रहेका छन् ।
