काठमाडौँ,१३ माघ ।
नेपालमा मंगलबार थप ३ सय ३ जनामा कोरोना संक्रमण पुष्टि भएको छ ।
पछिल्लो २४ घण्टामा ४ हजार ५ सय ७४ जनाको पिसिआर परिक्षण गर्दा १ सय ३० महिला र १ सय ७३ जना पुरुष गरी ३ सय ३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमित हुनेहरुको संख्या २ लाख ७० हजार ९२ पुगेको छ ।
यस्तै,पछिल्लो २४ घण्टामा २ सय ८५ जना कोरोना संक्रमित निको भएर डिस्चार्ज भएका छन् । नेपालमा हालसम्म २ लाख ६४ हजार ८ सय २३ जना कोरोना संक्रमित निको भएर डिस्चार्ज भएका छन् ।
स्वास्थ्य तथा जनसंख्या मन्त्रालयको मंगलबारको नियमित मिडिया ब्रिफिङमा २४ घण्टामा कोरोनाबाट ६ जनाको मृत्यु भएको छ । नेपालमा हालसम्म कोरोनाबाट मृत्यु हुनेको संख्या २ हजार १७ पुगेको छ ।
हाल देशभर संक्रिय संक्रमितको संख्या ३ हजार २ सय ५२ रहेको छ । यस्तै,१ सय २२ जना क्वारेन्टाइनमा रहेको मन्त्रालयले जनाएको छ ।
