बुटवल,३ माघ ।
नेपाली कथानक चलचित्र ‘सपनीमा’ को शुभ मुहुर्त सम्पन्न भएको छ । बुटवलमा आज एक कार्यक्रम गर्दै चलचित्रको शुभ मुहुर्त गरिएको हो ।
बुटवलमा बन्न लागेको चलचित्र ‘सपनीमा’ बुटवल आसपासका क्षेत्र सँगै पाल्पा र चरङ्गेमा छायांकन गरिने निर्माता अर्जुन बि.सीले जानकारी दिए । लभ स्टोरीमा आधारित चलचित्र ‘सपनीमा’ उत्कृष्ट बन्ने दाबि गरेका छन ।
शुभ मुहुर्त कार्यक्रममा राष्ट्रिय संगितकर्मी संघ लुम्बिनी प्रदेशको कोषाध्यक्ष तथा तिलोत्तमा साहित्य संगित प्रतिष्ठान कमिटी सदस्य एवं गायिका चन्दा गुरुङ लगायत राष्ट्रिय संगितकर्मी संघ रुपन्देही अध्यक्ष तथा दोहोरी गायिका दुर्गा नेपाल, कलाकार गणेश सापकोटा, रंगिन मिडिया प्रबन्ध निर्देशक मोहन केसी लगायतको उपस्थित रहेको थियोे ।
त्यसैगरी सोनम टि भि पत्रकार रुपेश कार्की, डिजिएस नेपालका संचालक सागर खड्का, जय माता दि का राजविर जसवाल, गायक अमरदिप बिसि, मोडल तथा कलाकार जीवन पाल्पाली, प्रिति खड्का, तिलक श्रेष्ठ, चौतारी खानपानका संचालक सागर संगम लगायतको उपस्थित रहेको थियो ।
उपस्थित अतिथिहरुले शुभकामना मन्तव्य राखेका थिए । कार्यक्रमको संचालन विनोद विष्टले गरेका थिए । सफल फिल्मस् बुटवलको ब्यानरमा बन्न लागेको चलचित्र ‘सपनीमा’ का निर्माता अर्जुन बिसि, सह निर्माता जितेन्द्र हरिजन, शान्ति गोतामे र राजेन्द्र जिसी रहेका छन भने चलचित्रलाई पंकी सुरजले निर्देशन गर्ने बताइएको छ ।
