दाङ,१ माघ । राप्ती नदीमा बगेर बिहीबार दाङमा एक युवक बेपत्ता भएका छन् ।
बेपत्ता हुनेमा दाङको राजपुर गाउँपालिका २ का २७ वर्षीय प्रदीप चौधरी रहेका छन् ।
चाैधरी राप्ती नदीको बेलाघाटमा बिहीबार दिउँसो पौडी खेल्ने क्रममा बगेर बेपत्ता भएको प्रहरीले जनाएको छ ।
माघीको अवसरमा राप्ती किनारमा वनभोज खाएर पौडी खेल्ने क्रममा नदीमा बगेर बेपत्ता भएको ईलाका प्रहरी कार्यालय गढवाका प्रमुख प्रहरी निरीक्षक राजकुमार भट्टले जानकारी दिए ।
स्थानीयको सहयोगमा उनको खोजी भइरहेको प्रहरीले जनाएको छ ।
