बुटवल,१ माघ । नेपालमा बिहीबार थप ४०३ जनामा काेराेना भाइरस संक्रमण पुष्टि भएको छ ।
पछिल्लो २४ घण्टामा ५ हजार ३२ नमुना परिक्षण गर्दा १६१ महिला र २४२ पुरूष गरि ४०३ जनामा काेराेना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा काेराेना संक्रमितको संख्या २ लाख ६६ हजार ५ सय ४६ पुगेको छ ।
पछिल्लो २४ घण्टामा थप ४०५ जना काेराेना संक्रमित निकाे भएर घर फर्किएका छन् । यससँगै नेपालमा हालसम्म निकाे हुने काेराेना संक्रमितको संख्या २ लाख ६० हजार १७७ पुगेको छ ।
त्यस्तै पछिल्लो २४ घण्टामा देशभर ६ जना काेराेना संक्रमितको मृत्यु भएको छ । नेपालमा हालसम्म १ हजार ९ सय ४३ जना काेराेना संक्रमितको मृत्यु भएको छ ।
हाल देशभर ४ हजार ४ सय २६ काेराेनाका सक्रिय संक्रमित रहेको मन्त्रालयले जनाएको छ ।
