बुटवल,२२ पुस । नेपालमा बुधबार थप ४०९ जनामा कोरोना संक्रमण पुष्टि भएको छ ।
पछिल्लो २४ घण्टामा देशभरका प्रयोगशालामा ६ हजार ७०६ पीसीआर परीक्षण गर्दा १४४ जना महिला र २६५ जना पुरुष गरि ४०९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा संक्रमितको कुल संख्या २ लाख ६३ हजार १९३ पुगेकाे छ ।
पछिल्लो २४ घण्टामा थप ४९५ जना काेराेना संक्रमित निको भइ डिस्चार्ज भएका छन् । यससँगै कोरोनाबाट निको हुनेको संख्या २ लाख ५६ हजार १६१ पुगेको छ ।
त्यस्तै पछिल्लो २४ घण्टामा ६ जना काेराेना संक्रमितको मृत्यु भएको छ । नेपालमा हालसम्म १ हजार ८९९ जना काेराेना संक्रमितको मृत्यु भएको छ ।
हाल देशभर सक्रिय संक्रमितको संख्या ५ हजार १३३ छ भने क्वारेन्टाइनमा ३४२ जना रहेका छन् ।
